Дарвозабони «Валенсия» мехоҳад баҳри бозӣ дар евроҷомҳо дастаашро тарк намояд

Дарвозабони «Валенсия» Георгий Мамардашвили дар рафтан аз «Валенсия» ба хотири бозӣ дар Лигаи чемпионҳо ё Лигаи Аврупо иштиёқманд аст, иттилоъ медиҳад AS.

Баъди 32 даври чемпионати дохилӣ «Валенсия» бо 47 хол дар зинаи ҳаштум қарор дорад, ки ин мавқеъ баромад дар евроҷомҳоро барояш дар мавсими -2024/2025 кафолат намедиҳад.

Тибқи иттилоъи сарчашма бошгоҳи испанӣ омодаи ҷудошавӣ аз дарвозабони 23-солаи гурҷӣ бар ивази қариб 20 млн евро мебошад. Бо вуҷуди ин худи Мамардашвили истисно намекунад, ки метавонад дар бошгоҳ бимонад.

Пештар дар расонаҳо хабаре баромад, ки дар хизматрасониҳои ин дарвозабон «Милан» иштиёқманд аст.

Мамардашвили ба сафи «Валенсия» аз «Динамо»-и Тифлис бар ивази 850 ҳазор евро гузариш анҷом дода, шартномааш бо бошгоҳ то тобистони соли 2027 мӯҳлат дорад. Transfermarkt арзиши Мамардашвилиро дар ҳаҷми 35 млн евро муайян кардааст.

Мавсими ҷорӣ дарвозабон 32 бозӣ гузаронида, дар 12 бозӣ ба дарвозааш гол сар надодааст, вале дар рақобатҳои боқимонда 34 тӯб аз дарвозааш берун кард.