“Байер” дар сафар “Манчестер Сити”-ро шикаст дод

Бозии даври 5-уми марҳилаи умумии Лигаи чемпионҳои мавсими 2025/2026, ки дар он “Манчестер Сити” бо “Байер”-и Леверкузен рақобат кард, анҷом ёфт. Довари асосии вохӯриро Жоау Педру Пинейру бар уҳда дошт. Бозӣ дар варзишгоҳи “Иттиҳод”-и шаҳри Манчестер баргузор шуд. Вохӯрӣ бо ҳисоби 2 бар 0 ба фоидаи дастаи меҳмон анҷом ёфт.

Дар дақиқаи 23-юм нимҳимоятгари “Байер” Алехандро Грималдо ҳисобро боз кард. Дар дақиқаи 55-ум ҳамлагари меҳмонон Патрик Шик бартарии дастаашро зиёд намуд.

Дар даври қаблӣ “Манчестер Сити” тими “Боруссия”-и Дортмундро бо ҳисоби 4 бар 1 шикаст дода буд. “Байер” зидди “Бенфика” бо ҳисоби 1 бар 0 пирӯз шуд.

Ёдовар мешавем, ки бозии ниҳоии мавсими ҷорӣ дар Лигаи чемпионҳо дар варзишгоҳи “Пушкаш Арена”-и Будапешт рӯзи 30-юми майи соли 2026 баргузор мешавад. “ПСЖ” қаҳрамони амалкунандаи мусобиқа мебошад.