Намояндаи Про-лигаи Арабистони Саудӣ ба хабарҳое, ки дар бораи эҳтимоли норозигии ҳамлагари «Ал-Наср» Криштиану Роналду аз набудани тақвияти даста дар равзанаи зимистонаи трансферӣ паҳн шудаанд, шарҳ дод. Қаблан расонаҳо навишта буданд, ки ситораи португалӣ метавонад аз иштирок дар баъзе бозиҳои даста худдорӣ карда, тобистон бошгоҳро тарк намояд.
Рӯзҳои 7–8 феврал Маҷмааи варзишии Донишгоҳи миллии Тоҷикистон мизбони Чемпионати Тоҷикистон оид ба самбо хоҳад буд. Дар ин мусобиқа беҳтарин варзишгарони кишвар ҷамъ омада, барои ба даст овардани унвони қаҳрамонӣ ва роҳхат ба мусобиқаҳои байналмилалӣ рақобат мекунанд.
Яке аз дидорҳои марказии даври 25-уми Премйер-Лигаи Англия миёни дастаҳои пурқуввати «Манчестер Юнайтед» ва «Тоттенҳэм» баргузор мешавад. Бозӣ рӯзи 7 феврал, соати 17:30 дар варзишгоҳи машҳури «Олд Траффорд» дар шаҳри Манчестер доир мегардад. ТВ «Варзиш» мустақиман бозиро манзури бинандагон мегардонад.
Финали Ҷоми футзали Осиё–2026 рӯзи 7 феврал дар маҷмааи варзишии «Индонезия Арена» дар шаҳри Ҷакарта баргузор мешавад. Мухлисони футзали қитъавӣ ва ҷаҳон ин бозиро бо интизориҳои зиёд интизорӣ мекашанд, зеро ҳар ду даста бо натиҷаҳои аъло ба финал баромадаанд.
Рӯзҳои 14–15 феврали соли 2026 дар Маҷмааи варзишии Донишгоҳи миллии Тоҷикистон Чемпионати кишвар оид ба кураш баргузор хоҳад шуд. Ин мусобиқа яке аз муҳимтарин рӯйдодҳои сол дар тақвими варзишии ҷумҳурӣ ба ҳисоб рафта, беҳтарин паҳлавонони кишварро аз минтақаҳои гуногун ба ҳам меорад.