Ғалабаи устураҳои “Барселона” муқобили “Реал Мадрид” дар Доҳаи Қатар

Усутарҳои “Реал Мадрид” ва “Барселона” дар шаҳри Доҳаи Қатар ба ҳам омаданд. Вақти асосии бозӣ бо ҳисоби мусовии 2 бар 2 анҷом ёфт.

Ҳисобро устураҳои “Барселона” дар ҷараёни вохӯрӣ боз карданд. Пабло Сорин дар дақиқаи 8-уми бозӣ аз паси головари Людовик Жюли истифода карда, гол зад. Дар идома Роналдинйо аз зарбаи ҷаримавӣ ҳисобро дуболо кард. Нимаи аввали бозӣ бо ҳисоби 0 бар 2 ба фоидаи “Барселона” анҷом ёфт.

Дар нимаи дуюми бозӣ “Реал Мадрид” тавонист, ки ҳисобро баробар кунад. Луиш Фигу дар дақиқаи 58-ум ва Эдвин Конго дар дақиқаи 63-юм голҳоро ба самар расониданд. Аз ҳайати “Барселона” Патрик Клюйверт дар дақиқаи 76-ум пеналтиро дуруст иҷро карда натавонист.

Дар натиҷа тими устураҳои “Барселона” дар силсилаи пеналтӣ бо ҳисоби 4:2 пирӯз шуданд.

Қарор аст, ин дастаҳо рӯзи 15-уми декабр дар Токио вохӯранд. Интизор меравад, ки Андрес Инйеста ва Хави дар бозии устураҳои “Барселона” онҷо ба майдон мебароянд.

Ҳайати асосии устураҳои «Реал Мадрид»: Франсиско Буйо, Антонио Нунйес, Фернандо Санс, Франсиско Павон, Раул Браво, Кларенс Зеедорф, Луис Милла, Луиш Фигу, Савио, Хосе Эмилио Амависка ва Эдвин Конго. Аз ҳайати захиравӣ ба майдон омаданд: Педро Контрерас, Алваро Мехия, Иван Кампо, Хулио Лйоренте ва Педро Мунитис.

Ҳайати асосии устураҳои «Барселона»: Витор Байя, Фернандо Наварро, Франк де Бур, Эрик Абидал, Хуан Пабло Сорин, Гаиска Мендйета, Роберто Трасоррас, Людовик Жюли, Ривалдо, Роналдинйо ва Давид Вилла. Аз ҳайати захиравӣ ба майдон омаданд: Хесус Ангой, Фредерик Дею, Жофре Матеу, Рожер Гарсия, Рикарду Куарежма, Сержи Баржуан ва Патрик Клюйверт.