Алкарас дар се сет Тситсипасро шикаст дода, ба даври нимниҳоӣ роҳ ёфт

Ракеткаи якуми ҷаҳон Карлос Алкараси 20 сола аз Испания дар даври чаҳорякниҳоии мусобиқаи  Rolland Garros 2023  муқобили ракеткаи 5-уми ҷаҳон Стефанос Тситсипаси 24 сола аз Юнон  пирӯз шуда, ба даври нимниҳоӣ роҳ ёбад.

Вохӯрии теннисбозон рӯи корт 2  соату 15  дақиқа идома карда, бо ҳисоби 6:2, 6:1, 7:6 (7:5) ба суди  Алкарас   анҷом ёфт.

Ҳамакнун, дар даври нимниҳоӣ  Карлос Алкарас  бо ракеткаи сеюми  ҷаҳон - Новак Ҷоковичи беҳмато,  баҳри роҳ ёфтан ба даври ниҳоии мусобиқа мубориза мебарад.  Вохӯрии теннисбозон рӯзи  9-уми июн  доир мегардад.

Ёдовар мешавем, ки мусобиқаи Rolland Garros 2023  аз 22-юми май  то 11-уми июн  дар шаҳри Парижи Фаронса  баргузор мешавад. Фонди ҷоизавии мусобиқа   49 600 000 евроро ташкил медиҳад.