Almaty Cadet Asian Cup 2021: Мақоми панҷуми Меҳрона ва натиҷаҳои дигари рӯзи якум
Дар рӯзи якуми Ҷоми Осиё-2021 байни наврасон (Almaty Cadet Asian Cup 2021), ки дар шаҳри Алматои Қазоқистон ҷараён дорад, Тоҷикистонро чор ҷудокор (се мард ва як бону) намояндагӣ карданд.
Меҳрона МАҲМАДЗОДА (-57кг) дар даври аввал дар муддати 1 дақиқаю 54 сония ҷудокорбонуи кишвари мизбон – Динара МАХАМАДИЯРОВАро бо «иппон» шикаст дод, вале мутаассифона дар чорякниҳои аз Дана АИТБАЕВА (Қазоқистон) бо дарёфти се танбеҳ мағлуб шуд.
Дар рақобатҳои тассалобахш дар тӯли 4 сония варзишгарбонуи Қирғизистон - Мирзайим ДУЙШЕНБЕКОВА ва пас аз он рақиб за кишвари мизбон – Гулнора ИБРАЕВАро шикаст дод ва ба марҳилаи ниҳоӣ роҳ ёфт.
Мутаассифона дар мубориза барои нишони биринҷӣ аз ҷудокорбонуи Ӯзбекистон - Ёқутҷон АБДИРИМОВА бо «иппон» шикаст хурд ва мақоми 5-умро соҳиб шуд.
Самиршо МУҲАББАТОВ (-60кг) дар нахустин рақобаташ аз ҳарифи қирғиз – Дастан ДЖУМАШЕВ ноком шуд.
Акбарҷон НИЁЗЗОДА (-60кг) ҳам дар даври аввал дар «голден-скор» аз ҷудокори Қирғизистон - Казибек ЧИНИБЕКОВ мағлуб шуд.
Бахтиёр ҒАФУРОВ (-73кг) дар нахустин рақобаташ бар ҷудочии ӯзбек - Дилшод ШУКРУЛЛОЕВ дастболо шуд.
Дар даври дуюм бошад, бар Абилай АЛДИНАЗАРОВи қазоқ бо ситонидани ду имтиёзи «ваза-ари» пирӯз гашт.
Дар чорякниҳоӣ дар «голден-скор» аз ҷудокори мизбон - Бекзад НУРМОЛДА бо дарёфти се «шидо» аз ҷониби довари майдон мағлуб дониста шуд.
Мутаассифона, дар даври тассаллобахш низ рақобатро ба варзишгари қазоқ - Анатолий КЛЕВЕТСУР бо «иппон» бохт.
• Имрӯз - 15-уми май, Муҳаммадҷон АФҒОНОВ дар вазни -90кг рӯи майдон мебарояд.
• Дар мусобиқа 250 варзишгар аз 4 давлат иштирок доранд.
Манбаъ: https://judo.tj/