Анчелотти: “Мо бо “Реал” дар финали Лигаи Чемпионҳо хоҳем буд”

Бошгоҳи шоҳонаи «Реал Мадрид», ки ҳоло дар оғози мавсими нави мусобиқаи Лигаи Чемпионҳо начандон баромади назаррас дорад, аммо сармураббӣ Карло Анчелотти ба дастаи худ эътимод зоҳир кард.

Карло Анчелотти дар мавриди бозиҳои ояндаи “Реал Мадрид” ибрози назар кард, ки тимаш мавсими имсола то ба финали Лигаи Чемпионҳо роҳ хоҳад ёфт.

Аз рӯи натиҷаи 5 давр, ҳоло тими “Реал Мадрид” дар ҷадвали мусобиқа дар зинаи 24-ум қарор дорад. Тибқи формати нав, маҳз 24 даста дар ниҳоят ба плей-офф роҳ меёбанд. Тими шаҳри Мадрид бар дастаҳои «Штутгарт» (3:1) ва «Боруссия»-и Дортмунд (5:2) пирӯз шуда, аз «Милан» (1:3), «Лилл» (0:1) ва «Ливерпул» (0:2) шикаст хӯрд.

Дар бозиҳои боқимондаи Лигаи Чемпионҳо «Реал» дар меҳмонӣ бо «Аталанта» ва «Брест» ва дар майдони худ бо «Залтсбург» бозӣ мекунад.