Аргентина садди роҳи Қазоқистон дар Ҷоми ҷаҳонии футзал -2024 шуд

Дар доираи бозиҳои даври чаҳорякниҳоии Ҷоми ҷаҳонии футзал -2024 дастаҳои мунтахаби Қазоқистон ва Аргентина андари майдони рақобат шуданд. Вохӯрии дастаҳо дар Маҷмааи варзишии Ҳумо Арена доир шуда, бо ҳисоби 1 бар 6 ба фоидаи тими миллии Аргентина анҷом ёфт.

Аз ҳайати Аргентина голҳоро Роза, Клаудино , Арриета (дубл) , Корсо ва Боло Алемани ба самар расониданд. Ягона голи Қазоқистонро Даурен Турсагулов марбути номи хеш кард.

Пас аз пирӯзӣ дастаи Аргентина ба даври нимниҳоии мусобиқа роҳ ёфт. Дар ин марҳилаи дастаи Аргентина рӯзи 3-юми октябр бо тими миллии Фаронса бозӣ мекунад.

Ёдовар мешавем, ки Португалия қаҳрамонии феълии ҷаҳон аст. Дар Ҷоми ҷаҳонии соли 2021 дар Литва дар финал Португалия бар Аргентина (2:1) зафар ёфта буд. Қазоқистон ҳамон сол дар даври нимниҳоӣ аз дасти Португалия ноком гардида буд.