Ҳарифони мунтахаби Тоҷикистон (U-17) дар Ҷоми Осиё муайян шуданд

Мунтахаби наврасони то 17-солаи Тоҷикистон дар қисми ниҳоии Ҷоми Осиё-2026 рақобатро бо ҳамтоёни худ аз Арабистони Саудӣ, Таиланд ва Мянмар идома медиҳад. Тибқи натиҷаи қуръакашии мусобиқа, дастаи ҷавонони кишвар дар гурӯҳи худ бо рақибони пурқувват рӯ ба рӯ шуда, барои роҳ ёфтан ба марҳилаи баъдӣ мубориза мебарад.

Марҳилаи ниҳоии Ҷоми Осиё-2026 байни мунтахабҳои то 17-сола моҳи май баргузор гардида, беҳтарин дастаҳои қитъа барои унвони қаҳрамонӣ ва инчунин роҳхат ба мусобиқаҳои ҷаҳонӣ рақобат мекунанд. Ин мусобиқа яке аз муҳимтарин санҷишҳо барои футболбозони ҷавон ба ҳисоб рафта, имкони нишон додани истеъдод ва таҷрибаи байналмилалиро фароҳам меорад.

Мунтахаби наврасони Тоҷикистон тайи солҳои охир таваҷҷуҳи ҷиддӣ ба рушди футболбозони ҷавон зоҳир намуда, бо омодагиҳои мунтазам, ҷамъомадҳои таълимӣ ва иштирок дар бозиҳои дӯстона сатҳи рақобатпазирии худро боло мебарад. Ҳадафи асосии даста баромади шоиста дар марҳилаи гурӯҳӣ ва талош барои роҳ ёфтан ба даври плей-офф мебошад.

Ҳаводорони футбол дар кишвар умед доранд, ки насли ҷавони футболбозон бо бозии ҷасурона ва натиҷаҳои хуб парчами Тоҷикистонро дар сатҳи қитъавӣ баланд нигоҳ медоранд.