“Атлетико” аввалин шуда, ба финали Ҷоми Испания роҳ ёфт

Бозии ҷавобии марҳилаи нимниҳоии Ҷоми Испания миёни дастаҳои “Барселона” ва “Атлетико Мадрид” ба анҷом расид. Вохӯрӣ дар варзишгоҳи “Камп Ноу” баргузор шуда, бо пирӯзии мизбонон бо ҳисоби 3 бар 0 хотима ёфт.

Ҳисобро дар дақиқаи 29-ум нимҳимоятгари “Барселона” Марк Бернал боз кард. Дар дақиқаи 45+4 ҳамлагари мизбонон Рафиня аз пеналти гол зада, бартариро бештар намуд. Дар дақиқаи 72-юм Бернал голи сеюмро ба самар расонда, ҳисоби бозиро 3 бар 0 кард.

Бо вуҷуди ин, дар бозии аввал, ки рӯзи 12 феврал дар варзишгоҳи “Метрополитано” баргузор шуда буд, “Атлетико” бо ҳисоби 4:0 пирӯз гардида буд. Ҳамин тавр, аз рӯйи натиҷаи умумии ду бозӣ (4:3) дастаи шаҳри Мадрид тими “Барселона”-ро шикаст дода, ба финали Ҷоми Испания роҳ ёфт.

Қобили зикр аст, ки “Барселона” қаҳрамони амалкунандаи Ҷоми Испания мебошад. Каталониҳо дар финали мусобиқа 26 апрели соли 2025 “Реал Мадрид”-ро дар вақти изофӣ бо ҳисоби 3:2 мағлуб карда буданд.