Балотелли метавонад фаъолияти худро дар “MLS” идома диҳад

Клуби нави “MLS” “Сан-Диего” наздик аст, ки яке аз ситораҳои  футболи ҷаҳонро барои мавсими оянда ба ҳайат шомил созад.

Ба гуфтаи Николо Шира,як намояндаи дастаи “Сан-Диего” аллакай дар мавриди қарордод бо собиқ ҳамлагари тими миллии Италия, «Ман Сити», «Милан», «Ливерпул» ва «Интер» Марио Балотелли тамос гирифтаанд.

“Сан-Диего” шартҳои қарордоди эҳтимолиро омӯхта истодааст ва ба Балотелли шартномаи яксола пешниҳод мекунад.

Охирин бошгоҳи Балотелли “Демирспор”-и Туркия буд. Мавсими гузашта дар Суперлигаи Туркия дар 16 бозӣ 7 гол ба самар расонда буд.”Сан-Диего” дар мавсими оянда дар MLS бозӣ мекунад.