Бразилия дар марҳилаи нимниҳоии Ҷоми ҷаҳонии футзал-2024

Дар доираи бозиҳои даври чаҳорякниҳоии Ҷоми ҷаҳонии футзал -2024 дастаҳои Бразилия ва Марокаш андари майдони рақобат шуданд. Вохӯрии дастаҳо дар Маҷмааи варзишии Бухоро баргузор шуда, бо ҳисоби 3 бар 1 ба фоидаи тими миллии Бразилия анҷом ёфт.

Ҳисобро дар ҷараёни бозӣ дар дақиқаи 12-ум Марсел аз ҳайати Бразилия боз кард. Дар дақиқаи 18-ум Леандро Лино ҳисобро ба фоидаи Бразилия дуболо кард. Бо ҳамин натиҷа дастаҳо ба танаффус баромаданд.

Дар қисми дуюми вохӯрӣ боз аввалин шуда, бразилиҳо ҳисобро боз карданд. Диего дар дақиқаи 29-ум муаллифи гол гардид. Отмане Бумезу аз ҳайати Марокаш дар дақиқаи 35-ум ба дарвозаи Бразилия гол зад. Ин ягона голи Марокаш дар ин бозӣ муқобили қаҳрамони панҷкаратаи ҷаҳон тими миллии Бразилия буд.

Бо ин ғалаба тими милли Бразилия ба марҳилаи нимниҳоӣ роҳашро ҳамвор кард. Марокаш пас аз бохт аз идомаи мусобиқа бенасиб монд.

Ёдовар мешавем, ки Португалия қаҳрамонии феълии ҷаҳон аст. Дар Ҷоми ҷаҳонии соли 2021 дар Литва дар финал Португалия бар Аргентина (2:1) зафар ёфта буд. Қазоқистон ҳамон сол дар даври нимниҳоӣ аз дасти Португалия ноком гардида буд.