Даниил Дубов ғолиби мусобиқа бахшида ба гиромидошти Максим Шушарин гардид

Дар Челябинск мусобиқа оиди шоҳмоти зудбозӣ бахшида ба гиромидошти хотираи президенти Федератсияи вилоятии шоҳмоти Челябинск Максим Анатолевич Шушарин (1966-2023) доир гардид.

Ғолиби мусобиқа шоҳмотбози москвагӣ Даниил Дубов дониста шуд, ки дар 11 давр 9 хол ба даст овард. Ним хол камтар аз ӯ гроссмейтер Павел Понкратов (Москва), устодони дараҷаи байналмилалӣ Казибек Ногербек (Қазоқистон) ва Рудик Макарян (Москва) доштанд. Айнан ба чунин тартиб онҳоро нишондодҳои иловагӣ аз ҳам ҷудо карданд.

Натиҷаи беҳтарин миёни бонувон бошад устоди дараҷаи байналмилалӣ Даря Чарочкина (Москва) ба даст оварда, миёни собиқадорони "50+" - устоди дараҷаи байналмилалӣ Николай Оглоблин (вилояти Свердловск), миёни собиқадорони "65+" - устоди дараҷаи байналмилалӣ Сергей Позин (ММХМ - Югра), миёни духтарон - устоди шоҳмоти ФИДЕ миёни бонувон Валерия Клейменова (вилояти Уляновск), миёни наврасон - Лев Возмилов (вилояти Свердловск), миёни шоҳмотбозон аз Челябинск - устоди дараҷаи байналмилалӣ Ярослав Ремизов нишон доданд.

Фонди умумиҷоизавии мусобиқа 1 500 000 рублро ташкил дод.

Мусобиқа бахшида ба гиромидошти хотираи Максим Шушарин аз ҷониби гроссмейстер Алина Бивол ва Олга Баделко ташкил карда шуд. Баргузории он ба воситаи кумитаи ташкилотӣ дар ҳамкорӣ бо ТМР "Федератсияи вилоятии шоҳмоти Челябинск" амалӣ карда шуд.