Дар Париж барои варзишгари эронӣ рахти хоб ёфт нашуд

Муртазо Меҳрзод варзишгари паралимпии эронӣ, ки дар намуди варзиши волейбол ҳунарнамоӣ мекунад, қадбалантарин варзишгар дар таърихи паралимпиада дониста мешавад,ки  дарозии қадаш 2,46 сантиметр мебошад. Аз сабаби рахти хоби номумувоффиқ барои Муртазо дар бозиҳои паралимпии Париж-2024,  варзишгар рӯйи фарш хоб меравад.

Муртазо 17-уми сентябри соли 1987 дар шаҳри Чолӯси вилояти Мозандарон таваллуд шудааст.Ӯ қадбаландтарин мард дар кишвари  Эрон ва қадбаландтарин варзишгар дар таърихӣ паралимпӣ дониста мешавад. Рӯшди ғайримуқаррарии қади ӯ аз бемории “акромегалия”  ба вуҷуд омадааст.Пойҳои Муртазо аз сабаби дарозии зиёд каҷ шудааст, пои росташ аз чапаш бошад 15 сантиметр кӯтоҳтар аст.

Варзишгари мазкур сар карда аз соли 2015 дар бошгоҳи эронии “Ал Ҳоҷҷаҷӣ”- Сабзевар бозӣ мекунад.Дар бозиҳои паралимпии Рио-де-Женейро -2016 ширкат кард ва барандаи нишонҳои зарин гардид ва дар бозии финалӣ 28 имтиёзро ба даст овард,ки беҳтарин натиҷаи инфиродиро нишон  дода буд. Дар бозиҳои паралимпии Токйо-2020 ҳам  бо мунтахаби Эрон нишонҳои заринро ба даст овард.Ҳамчуни ин варзишгар  ду карат Қаҳрамони Ҷаҳон дар риштаи волейбол гардидааст.