Евлоев дар даври тасаллобахш ноком шуд

Гӯштингири тоҷик Магомет Евлоев имрӯз имкони хуб дошт то соҳиби нишони биринҷии Чемпионати Ҷаҳон оид ба гӯштини тарзи озод гардад, лек ӯ ин имкониятро истифода бурда натавонист. Дар вазни то 74 кг Магомет Евлоев дар даври тасаллобахш аз Нурқож Катпанови қазоқ бо ҳисоби 6 бар 1 мағлуб шуда, имкони ба даст овардани нишони биринҷиро дар Чемпионати Ҷаҳон оид ба гӯштини тарзи озод аз даст дод.

Дар даври аввал Магомет Евлоев дар рақобати аввал бо ҳисоби 12-2 аз қаҳрамони ҷаҳон Кайл Дэйк шикаст хӯрда буд.

Рақиби паҳлавони мо Дуглас Дейк дар даври ниманиҳоӣ бар Георгис Коугиомтзидиси юнонӣ бо ҳисоби 4:1 пирӯз шуда, ба финал баромад ва қаҳрамони ҷаҳон шуд.

Ҳамин тариқ, тибқи муқаррароти UWW, Евлоев дар қувваозмоии такрорӣ бо Нурқож Катпанови қазоқ қувваозмоӣ кард ва ноком шуд.