Фаронса ба даври нимниҳоии Ҷоми ҷаҳонии футзал -2024 роҳ ёфт

Дар доираи бозиҳои даври чаҳорякниҳоии Ҷоми ҷаҳонии футзал -2024 дастаҳои мунтахаби Фаронса ва Парагвай андари майдони рақобат шуданд. Вохӯрии дастаҳо дар Маҷмааи варзишии Бухоро доир шуда, бо ҳисоби 2 бар 1 ба фоидаи тими миллии Фаронса анҷом ёфт.

Аз ҳайати Фаронса Уассини Гирио дар дақиқаи 21-ум ҳисобро боз кард. Франсиско Мартинес дар дақиқаи 27-ум аз ҳайати Парагвай ҳисобро баробар намуд. Абдуссамад Мухаммад дар дақиқаи 34-ум аз ҳайати Фаронса голи ғалабаоварро ба самар расонид.

Пас аз пирӯзӣ дастаи Фаронса ба даври нимниҳоии мусобиқа роҳ ёфт. Дар ин марҳилаи дастаи Фаронса рӯзи 3-юми октябр бо тими миллии Аргентина бозӣ мекунад.

Ёдовар мешавем, ки Португалия қаҳрамонии феълии ҷаҳон аст. Дар Ҷоми ҷаҳонии соли 2021 дар Литва дар финал Португалия бар Аргентина (2:1) зафар ёфта буд. Қазоқистон ҳамон сол дар даври нимниҳоӣ аз дасти Португалия ноком гардида буд.