Гарет Бэйл бозии Мбапперо зидди “Ливерпул” шарҳ дод

Собиқ бозигари дастаи “Реал Мадрид” Гарет Бэйл дар бораи бозии номуваффақи ҳамлагари фаронсавӣ Килиан Мбаппе дар бозии даври 5-уми марҳилаи умумии Лигаи қаҳрамонҳо бо “Ливерпул” ҳарф зад. Бозӣ бо пирӯзии дастаи “Ливерпул” бо ҳисоби 2:0 дар “Энфилд” анҷом ёфт.

“Килиан Мбаппе беҳтарин бозигари ҷаҳон аст. Ин танҳо масъалаи вақт аст, ки ӯ мавқеъашро дар даста беҳтар кунад”, - иқтибос меорад Sport.es аз суханони Бэйл.

Ёдовар мешавем, ки дар дақиқаи 61-ум Мбаппе аз зарбаи  пеналтӣ  тӯбро ба дарвозаи  Кевин Келлеҳер зада натавонист. Ҳоло «Реал Мадрид» пас аз панҷ бозӣ бо шаш имтиёз дар ҷадвали умумии Лигаи Чемпионҳо дар ҷои 24-ум қарор дорад. «Ливерпул» бо 15 имтиёз дар садри ҷадвали мусобиқа маскан гирифтааст.