Гифт Орбан дар се дақиқа хет-трик карда, рекорд гузошт

Дар бозии ҷавобии даври 1/8 ниҳоии Лигаи Конференсияҳо  «Гент» дар сафар бар «Истанбул Башакшеҳир» пирӯз шуд.

Қаҳрамони воқеии вохӯрӣ ҳамлагари нигериягӣ Гифт Орбан буд, ки дар   се дақиқа хет-трик кард. Орбани 20 сола  ҳоло муаллифи тезтарин хет-трик дар таърихи мусобиқаҳои Аврупоӣ маҳсуб мешавад.

Дар ин мавсим Орбан дар 9 бозӣ дар ҳайати дастаи "Гент"  ба майдон баромада, ба задани 12 гол ноил гардидааст. 

Ҳамин тавр, дастаи «Гент» бо ҳисоби умумии 5:2 ғалаба карда, аввалин иштирокчии даври  чаҳорякниҳоии мусобиқа гардид.

Лигаи Конференсияҳо   | Даври 1/8-ниҳоӣ 

«Истанбул» – «Гент» 1:4 (1:1 – бозии аввал)

Голҳо: Янузай, 88 – Орбан, 31, 32, 34, Кейперс, 37