Голи Эдегор ба “Арсенал” иқбол овард!

Бошгоҳи “Арсенал” дар бозии даври дуюми чемпионати Англия муқобили дастаи “Кристал Пэлас” зафар ёфт. Вохӯрии дастаҳо дар варзишгоҳи “Селхерст Парк”-и шаҳри Лондон доир гардида, бо ҳисоби минимилии 1 бар 0 ба фоидаи “тӯпчиён” анҷом ёфт.

Ягона голро дар ин бозӣ Мартин Эдегор дар дақиқаи 53-юм аз зарбаи пеналтӣ ба самар расонид. Дар идома аз ҳайати “Арсенал” – Такэхиро Томиясу корти сурх гирифт ва бозибадар шуд.

Бо ин ғалаба «Арсенал» бо 6 имтиёз дар зинаи сеюми ҷадвали ПЛА қарор дорад. Дастаи «Кристал Пэлас» 3 имтиёз дар ҳисоб дорад.

ПЛА | Даври 2

“Кристал Пэлас” – “Арсенал” 0:1

Гол: Эдегор 54 пен.

“Кристал Пэлас”: Ҷонстон, Митчелл, Гуэхи, Андерсен, Уорд (Рак-Сакий, 83), Лерма, Дукуре, Шлупп (Амада, 73), Айюв, Эзе, Эдуард

“Арсенал”: Рамсдейл, Партей, Салиба, Уайт, Томиясу, Хаверц, Райс, Эдегор (Зинченко, 89), Мартинелли (Габриел, 70), Нкетиа (Жоржинйо, 79), Сака (Кивиор, 89)

Корти сурх гирифт: Томиясу 67