Игор Черевченко: “Мо кӯшиш мекунем, ки дар ҳар бозӣ соҳиби имтиёз шавем!”
Дирӯз дар нишастии пеш аз бозии дастаҳои “Истиқлол” –и Тоҷикистон ва “Ал-Дуҳайл”-и Қатар сармурабии дастаи “Истиқлол” – Игор Черевченко ба суолҳои рӯзноманигорон посух дода, интизориҳояшро оиди ин бозӣ баён кард.
- Пӯшида нест, ки мо як гурӯҳи ҷиддӣ дорем - дастаҳои қавӣ, қаҳрамонҳои кишварҳои худ бозӣ мекунанд. Мо интизори пур аз варзишгоҳ ҳастем, тамоми мухлисони Тоҷикистон оғози Лигаи қаҳрамонҳои Осиёро бесаброна интизор буданд. Имрӯз бозӣ доварӣ хоҳад кард, ки кӣ қавитар аст.
Метавонед бигӯед, ки дар давоми мусобиқа чанд хол ба даст оварда метавонед?
— Инро чӣ тавр пешакӣ пешгӯӣ кардан мумкин аст? Ин варзиш аст, касе пешакӣ чизе гуфта наметавонад. Мо бозӣ мекунем ва мекӯшем, ки дар ҳар бозӣ хол ба даст орем.
Дар давоми равзанаи интиқол шумо хати муҳофизати худро нав кардед. Оё хатти мудофиаи командаи шумо ба хучумкунандагони пуртаъсири хариф тоб оварда метавонад?
- Бачаҳое, ки бозӣ мекарданд, таҷрибаи ҳунарнамоӣ дар Аврупо доранд. Ба худ бовар кунед. Аммо боз хам пешакй хеч чизро пешбинй кардан мумкин нест. Ҳама омодаанд дар ин бозӣ ва дар ҳама бозиҳои минбаъда мубориза баранд. ,
Дар “Истиқлол” легионери эронӣ Муҷтабо Муктадоӣ бозӣ мекунад. Дар бораи ӯ ва рақиби дигаратон «Персеполис» чӣ гуфта метавонед? Оё Муҷтабо пагоҳ ба бозӣ дастрас аст?
- Ҳоло гуфта наметавонам, ки имрӯз кӣ ба бозӣ меояд. Ҳама имкониятҳои якхела доранд. Дар мавриди «Персеполис» бошад, ин тими хеле пурқувват аст, ки дар ҳама хатҳо муҷаҳҳаз аст ва бесабаб нест, ки барои ҷойҳои баланд дар чемпионати Эрон мубориза мебаранд.
Паёми шумо ба мухлисон?
— Мо хамеша дастгирии мухлисонамонро хис мекунем. Онҳо бозигари 12-уми мо ҳастанд ва ба мо нерӯ ва қувват мебахшанд! Биёед ва дастаи моро дастгирӣ кунед! Дар навбати худ, мо ҳама корро мекунем, то шумо писанд ояд!
Ёдовар мешавем, ки бозии дастаҳои “Истиқлол” ва “Ал-Дуҳайл” дар доираи марҳилаи аввали гурӯҳии Лигаи Қаҳрамонҳои Осиё имрӯз 19-уми сентябр соати 21:00 дар Варзишгоҳи марказии шаҳри Душанбе оғоз мегардад.