“Истиқлол” муқобили “Сипоҳон” бо пироҳани сафед бозӣ мекунад

Дирӯз дар шаҳри Исфаҳон ҷаласаи пеш аз бозии даври дуюми марҳилаи гурӯҳии Лигаи Чемпионҳои 2-и Осиё миёни дастаҳои "Истиқлол" ва "Сипоҳон" баргузор гардид.

Дар ҷаласа бо иштироки комиссари бозӣ, нозири доварон, намояндагони дастаҳои «Истиқлол»  ва «Сипоҳон»ва дигар масъулин масъалаҳои ташкилӣ оид ба вохурии дарпешистода баррасӣ шуд.

Мизбонони рақобат футболбозони «Сипоҳон» бо пироҳанҳои зард ва дастаи меҳмон «Истиқлол» бо либосҳои сафед ба майдон мебароянд.

Тибқи маълумоти пешакӣ, дар ин бозӣ дастаи «Истиқлол»-ро тақрибан 80 нафар мухлисони тоҷик дастгирӣ менамоянд.

Хотиррасон менамоем, ки вохӯрии даври дуюми марҳилаи гурӯҳии Лигаи қаҳрамонҳои Осиё-2024/25 миёни дастаҳои «Сипоҳон»-и Эрон ва «Истиқлол»-и Тоҷикистон, 1 октябр, дар варзишгоҳи «Фулодшаҳр» баргузор мегардад. Оғози бозӣ соати 19:30 бо вақти маҳаллӣ (21:00 бо вақти Душанбе).