Хонандаи мактаб дар Чемпионати ҷаҳон оид ба таэквондо ITF сазовори ҷойи аввал гардид

Хонандаи синфи 9-и Муассисаи таҳсилоти миёнаи умумии №21-и ноҳияи Шоҳмансури шаҳри Душанбе Марям Абдураҳимова дар Чемпионати ҷаҳон оид ба таэквондо ИТФ, ки дар шаҳри Остонаи Ҷумҳурии Қазоқистон идома дорад, соҳиби медали тилло гардид.

Дар мусобиқаи мазкур 900 нафар варзишгар аз 45 давлати дунё байни ҳам рақобат доранд. Ҷумҳурии Тоҷикистонро дар ин мусобиқаи ҷаҳонӣ 24 варзишгар намояндагӣ менамоянд.

Хонандаи пойтахт дар рӯзҳои аввали мусобиқа ба ҳамаи рақибонаш ғолиб омада, сазовори медали тилло гардид.

Ёдовар мешавем, ки мусобиқа 19 август оғоз шуда, то 27 август идома меёбад.