“Ливерпул” бар “Тоттенҳэм” ғолиб омада, ба даври 1/8-ниҳоии Ҷоми Лигаи Англия роҳ ёфт

Бозии даври 1/16-ниҳоии Ҷоми Лигаи Англия дар мавсими 2026/27 миёни дастаҳои «Ливерпул» ва «Тоттенҳэм Хотспур» баргузор шуда, бо пирӯзии мизбонон бо ҳисоби 3:1 ба анҷом расид. Вохӯрӣ дар варзишгоҳи «Энфилд»-и шаҳри Ливерпул баргузор шуд.

Ҳисобро дар дақиқаи 21-ум нимҳимоятгари «Ливерпул» Алексис Мак Аллистер кушод. Дар дақиқаи 54-ум Коди Гакпо бартарии мизбононро дучанд кард.

«Тоттенҳэм» дар дақиқаи 69-ум яке аз голҳоро ҷуброн намуд. Нимҳимоятгар Конор Галлахер ҳисобро 2:1 кард. Аммо дар дақиқаи 90+1 Доминик Собослаи голи сеюми «Ливерпул»-ро ба самар расонида, пирӯзии дастаашро таъмин кард.

Барои «Ливерпул» ин бозӣ аввалин вохӯрӣ дар Ҷоми Лигаи Англияи мавсими ҷорӣ буд. «Тоттенҳэм» бошад, дар даври қаблӣ «Чарлтон Атлетик»-ро бо ҳисоби калони 5:1 мағлуб карда, ба марҳилаи 1/16-ниҳоӣ роҳ ёфта буд.

Бо ин ғалаба «Ливерпул» роҳашро ба марҳилаи ҳаштякниҳоии Ҷоми Лигаи Англия ҳамвор намуд. «Тоттенҳэм» пас аз бохт аз идомаи мусобиқа берун монд.