Маросими қуръакашии марҳилаи муқаддамотии Ҷоми Тоҷикистон-2025 баргузор шуд
23 апрел дар дафтари Федератсияи футболи Тоҷикистон маросими қуръакашии марҳилаи муқаддамотии Ҷоми Тоҷикистон-2025 баргузор шуд.
Дар даври муқаддамотии Ҷоми кишвар 14 дастаи лигаи якуми Тоҷикистон ширкат мекунад. Дар натиҷаи қуръакашӣ ҳафт ҷуфт ташкил карда шуд. Ғолиби ҷуфти «Сардор» – «Сарҳадчӣ» роҳхати даври 1/8 ниҳоиро ба даст меорад. Се роҳхати боқимондаи қуръакашии қисмати асосии Ҷоми кишварро ғолибони се ҷуфти даври муқаддамотии дуюм соҳиб мешаванд.
Бозиҳои аввали даври муқаддамотии Ҷоми Тоҷикистон-2025 рӯзҳои 2, 3 ва 4 май доир мешаванд. Се вохӯрии даври дуюми муқаддамотӣ рӯзи 5 июл сурат мегирад.
Бошгоҳҳои Лигаи олии Тоҷикистон аз марҳилаи 1/8 ниҳоӣ вориди рақобат мешаванд.
Бояд гуфт, ки имсол тамоми марҳилаҳои Ҷоми Тоҷикистон аз як бозӣ иборат хоҳад буд.
Ҷоми Тоҷикистон -2025
Марҳилаи интихобӣ, бозиҳои аввал
2-4 май
«Душанбе» - «Саройкамар»
«Саразм» - «Шодмон»
«Исфара» - «Парвоз»
«Норак» - «Сомон»
«Ваҳдат» - «Моҳир»
«Рангон» - «Мастчоҳ»
«Сардор» - «Сарҳадчӣ»
