Месси : “Ҳоло беҳтарин бошгоҳи ҷаҳон “Реал Мадрид” аст”

Собиқ капитани бошгоҳи “Барселона” эътироф намуд, ки дар ҳоли ҳозир беҳтарин тими ҷаҳон бошгоҳи “Реал Мадрид” аст. Дар мусоҳиба ба маҷаллаи “Infobae” ситораи аргентинӣ таъкид кардааст, ки агар аз назари натиҷа бигӯем “Реал Мадрид” ҳоло беҳтарин тими ҷаҳон аст, вале аз нигоҳи усули бозӣ бошад “Манчестер Сити” беҳтарин шуморида мешавад. Дар кадом бошгоҳе, ки Гвардиола фаъолият кардааст, бо тактика ва усули тамрин ва иҷроиши он муҳим ва назаррас шинохта мешавад.

-Аз Ҷоми Ҷаҳон -2026 чӣ интизориҳо доред?

Ба ҳолати ҷисмониам воқеъбинона баҳо медиҳам. Оё бо ин нерӯи ҷисмониям метавонам ба тим ва ҳамдастаҳоям кӯмак бикунам ё на?

-Дар мавриди қаҳрамонӣ дар Ҷоми Ҷаҳони Қатар чӣ гуфтанӣ доред?

Зиндагӣ идома дорад. Ман бояд дар Париж мемондам ва барои қаҳрамонии бошгоҳам талош мекардам. Ҳоло бошад барои тими миллиам ба хотири қаҳрамонӣ дар Ҷоми Амрико талош меварзам. Бояд боз бигӯям, ки мо Қаҳрамони Ҷаҳон ҳастем ва эҳсос мекунам,ки ба тамоми дастовардҳои варзишӣ даст ёфтаам”.

Бояд таъкид кард, ки ҳаводорони “Барселона” ҳеҷ гоҳ сегонаи тимашон: Лионел Месси, Луис Суарес ва Неймарро фаромӯш намекунанд. Се бозигари  таъсиргузори мавқеъи ҳамлаи “Барселона” бо навбат тарки тим карданд ва солҳои охир роҳҳои гуногунро паймуданд. Неймар ба “ПСЖ” ва баъдан ба Арабистони Саудӣ, Суарес аввал ба “ Атлетико Мадрид” ва баъдан роҳии Лигаи Бразилия шуд. Месси низ аввал ба бошгоҳи “ПСЖ” ва баъдан ба “Интер Майами”-и Амрико рафт. Яке аз пурсишҳое, ки ба он на танҳо ҳаводорони “Барселона”, балки тамоми мухлисони футбол таваҷҷӯҳ доранд, ин аст:

“Оё ин сегона боз дар як тим бо ҳам бозӣ мекарда бошанд?”

Ба гуфтаи Месси ин рӯъё метавонад дар “Майами” табдил ба воқеъият шавад.

“Ман намедонам, вале ҳоло хеле душвор аст. Зеро Неймар як соли дигар дар Саудӣ қарордод дорад. Бояд бигӯям, ки зиндагӣ ҳар лаҳза тағйир меёбад ва ҳар ҳодисае метавонад дар зудтарин фурсат, ғайричашмдошт ва ғайриинтизорӣ рух бидиҳад.”

Таҳияи Кова Тилавпур