Мусобиқаи кушоди варзишӣ оид ба гӯштини тарзи озод

Дар толори варзишии МТМУ №27-и ҷамоати деҳоти Чоркуҳи шаҳри Исфара байни наврасону ҷавонон мусобиқаи кушоди варзишӣ оид ба гӯштини тарзи озод баргузор гардид. Дар оғози мусобиқа варзишгарон ҷиҳати бузургдошти муқаддасоти миллӣ зери Парчами миллӣ саф ороста, дар якҷоягӣ бо ифтихору самимияти хосса Суруди миллиро замзама намуданд.

Дар мусобиқаи мазкур беш аз 70 варзишгар иштирок варзида, байни ҳам қувваозмоӣ намуданд. Дар фарҷом аз ҷониби Бахши кор бо ҷавонон ва варзиш ба ғолибони мусобиқа диплом ва медалҳо супорида шуданд.