“Наполи” аввалин бор дар таърих ба даври ¼ ниҳоии ЛЧ баромад!

Дар доираи бозиҳои ҷавобии марҳилаи ҳаштякниҳоии Лигаи Чемпионҳои Аврупо  дастаҳои “Наполи” ва “Айнтрахт” ба ҳам омаданд. Вохӯрии дастаҳо дар варзишгоҳи «Диего Армандо Марадона» -и шаҳри Неапол  доир шуда, бо ҳисоби 3  бар 0  ба суди мизбонон  хотима ёфт.

Голҳоро дар равнди вохӯрӣ Виктор Осимхен ду  маротиба ва Зелински аз пеналти  ба самар расониданд.

Ёдовар мешавем, ки бозии аввали  дастаҳо дар Франкфурт   бо ҳисоби 2 бар 0  ба суди дастаи шаҳри Неапол  анҷом ёфта буд. Ҳамин тавр, дастпарварони Лучано Спаллетти   бо ҳисоби умумии 4 бар 0  муқобили “Айнтрахт” дастболо шуда, ба даври чаҳорякниҳоӣ роҳ ёфтанд. Ҳамин тавр, дастаи “Наполи” аввалин бор дар таърих ба даври чаҳорякниҳоии ЛЧ баромад.

Лигаи  Чемпионҳо | Даври 1/8-ниҳоӣ 

«Наполи» – «Айнтрахт» 3:0. (бозии аввал: 2:0)

Голҳо: Осимхен, 45+2, 53, Зелински, 64 (пен.)

«Наполи»: Мерет, Ди Лорентсо, Ррахмани, Ким Мин Чжэ (Жезус, 66), Мариу Руй, Лоботка, Зелински (Ндомбеле, 74), Замбо-Ангисса, Политано (Лосано, 67), Осимхен (Симеоне, 81), Кваратсхелия (Элмаз, 74).

«Айнтрахт»: Трапп, Бута, Ндика, Тута, Лентс (Макс, 67), Гетсе, Роде (Якич, 74), Соу, Камада, Борре, Кнауфф (Алиду, 62).