Нимҳимоятгари “Манчестер Юнайтед” метавонад,ки дастаашо тарк кунад

Нимҳимоятгари марказии «Манчестер Юнайтед» Каземиро мавсими ҷориро хеле бад оғоз кард. Эҳтимол дорад, ки бразилиягӣ ин ҳафта дастаро тарк кунад, гарчанде ки равзанаи интиқоли футболбозон дар аксари кишварҳо аллакай баста шудааст.

Ба гуфтаи рӯзноманигорӣ турк Алӣ Наҷҷи Куҷук, Галатасарай ба “Манчестер Юнайтед” пешниҳод кардааст, ки Каземироро як сол ба иҷора бигирад. “Манчестер Юнайтед” омода аст, ки бозигарро ба иҷора диҳад, аммо тасмими ниҳоиро бояд худи Каземиро қабул кунад.

Дар бозии охирин бо «Ливерпул» (0:3) дар натиҷаи ду хатоии Каземиро дар маркази майдон «МЮ» ба дарвозааш ду гол сар дод.

Тобистони соли 2022 Каземиро аз “Реал Мадрид” ба ивази 70 миллион евро ба “Манчестер Юнайтед” гузашт. Аз он вақт инҷониб ӯ дар ҳайати “Манчестер Юнайтед” 87 бозӣ анҷом дода 12 гол ва 9 ассист ба нмаш сабт кардааст.

Ёдовар мешавем, ки то имрӯз дар 3 даври “Премйер Лига”  «МЮ» ҳамагӣ 3 имтиёз ба даст овардааст.