Ҷокович ба даври дуюми Rolland Garros 2023 роҳ ёфт

Теннисбози 36  солаи  сербӣ  Новак Ҷокович    (ракеткаи  3-юми ҷаҳон) дар даври аввали   мусобиқаи Rolland Garros 2023  ба осонӣ муқобили  Александр Ковачевич  аз  ИМА  (ракеткаи 114 - уми ҷаҳон)  зафар ёфта,  ба даври дуюм баромад.

Вохӯрии теннисбозон рӯи корт 2 соату 29   дақиқа идома карда, бо ҳисоби 6:3, 6:2, 7:6 (7:1) ба суди Ҷокович   анҷом ёфт.

Ҳамакнун, дар даври дуюм теннисбозӣ сербӣ  муқобили Мартон Фучович  (ракеткаи 83-юми ҷаҳон) аз Маҷористон  сабқат мекунад. Вохӯрии теннисбозон рӯзи 31-уми май доир мегардад.

Ёдовар мешавем, ки мусобиқаи Rolland Garros 2023  аз 22-юми май  то 11-уми июн  дар шаҳри Парижи Фаронса  баргузор мешавад. Фонди ҷоизавии мусобиқа   49 600 000 евроро ташкил медиҳад.