Ҷопон аз риштаи ҷудо боз як нишони тилло ба даст овард

Имрӯз, дар шаҳри Токиои Ҷопон рақобатҳои ҷудо дар вазни -70кг миёни бонувон баргузор шуданд. Дар ин вазн зури касе ба ватандори ҷудо Тидзуру Араи 27 сола нарасид. Ин ҷудобонуи ҷопонӣ бар ҳамаи рақибонаш пирӯз шуда, қаҳрамони Бозиҳои олимпии Токио-2020 гардид. Ӯ дар финал намояндаи Австрия - Михаэла Поллересро дучори бохт кард. Нишонҳои биринҷии ин вазнро Мадина Таймазова (Россия) ва Санне ван Дейке (Нидерланд) соҳиб шуданд. Хотиррасон мекунем, ки ин 6-умин нишони тиллои ҷудочиёни ҷопонӣ дар Бозиҳои олимпӣ ба шумор меравад.

Бозиҳои олимпии Токио-2020

Ҷудо, бонувон, -70кг

Тидзуру Араи (Ҷопон)

Михаэла Поллерес (Австрия)

Мадина Таймазова (Россия)

Санне ван Дейке (Нидерланд)