Озодбек Панҷиев ба "Регар-ТадАЗ" баргашт!

Дастаи «Регар-ТадАЗ»-и шаҳри Турсунзода дар рӯзҳои охири равзанаи гузариши тобистона ҳайати худро бо ниммуҳофизатгар Озодбек Панҷиев пурқувват кард.

Маврид ба зикр аст, ки Озодбек Панҷиев дастпарвари КФ "Регар-ТадАЗ" буда, то соли 2021 дар сафи даста ҳунарнамоӣ мекард. Баъдан як муддат аз футбол канор рафт. Солҳои охир дар медиалигаи Русия бозӣ мекард.

Озодбек Панҷиев дар ҳайати дастаи мунтахаби наврасони Тоҷикистон барандаи нишони нуқраи чемпионати Осиё-2018 ва иштирокчии Чемпионати ҷаҳон байни наврасони то 17 сола дар Бразилия-2019 мебошад.