“ПСЖ” дар варзишгоҳи “Парк де Пренс” бар “Ливерпул” ғолиб омад

Бозии аввали марҳилаи чаҳорякниҳоии Лигаи чемпионҳои УЕФА миёни “ПСЖ” ва “Ливерпул” баргузор гардида, бо ҳисоби 2:0 ба нафъи дастаи шаҳри Париж анҷом ёфт.

Вохӯрӣ дар варзишгоҳи “Парк де Пренс”-и шаҳри Париж доир шуда, доварии онро Хосе Санчес Мартинес аз Испания ба уҳда дошт.

Ҳисобро дар дақиқаи 11-ум ҳамлагари “ПСЖ” Дезире Дуэ боз кард. Дар дақиқаи 65-ум вингери даста Хвича Кваратсхелия голи дуюмро ба самар расонд.

Қобили зикр аст, ки бозии ҷавобии дастаҳо рӯзи 14-уми апрел дар варзишгоҳи “Энфилд” баргузор мешавад.

Ёдовар мешавем, ки дар марҳилаи ҳаштякниҳоӣ “ПСЖ” бар “Челси” бо ҳисоби умумии 8:2 ғолиб омада буд. “Ливерпул” бошад, “Галатасарай”-ро бо ҳисоби 4:1 шикаст дода, ба чорякниҳоӣ роҳ ёфтааст.