Рақами Пянич дар "Барселона" муайян шуд
Бошгоҳи «Барселона» ба таври расмӣ Миралем Пяничро муаррифӣ кард. Пянич дар ҳайати бошгоҳи каталонӣ зери шумораи 8 бозӣ мекунад. Дар мавсими гузашта ин рақам ба Артур Мело тааллуқ дошт ва қабл аз Артур бо ин шумора яке аз беҳтарин ниммуҳофизатгарон дар таърихи «Барселона» – Андрес Инйеста бозиҳои худро доир мекард.
Ёдовар мешавем, ки «Барса» нимҳимоятгари босниягиро аз «Ювентус» бо маблағи 60 миллион ва 5 миллиони дигар ҳамчун мукофот харид. Пянич бо «нилунориҳо» то соли 2024 шартномаи ҳамкорӣ ба имзо расонид.
Дар мавсими 2019/2020-и чемпионати Италия ниммуҳофизатгари 30 сола дар 29 бозии дастааш иштирок намуда, ба задани 3 гол ва 8 ирсоли голбахшо даст ёфтааст.