Ракеткаи якуми ҷаҳон ба финали Roland Garros 2023 баромад!

Ракеткаи якуми ҷаҳон, теннисбози лаҳистонӣ Ига Швентек  дар даври нимниҳоии  мусобиқаи Roland Garros 2023 бидуни мушкили муқобили  ракеткаи 14-уми ҷаҳон Беатрис Хаддад Майя  аз Бразилия музаффарият ба даст оварда,  ба даври ниҳоии мусобиқа роҳ ёфт.

Вохӯрии теннисбозон рӯи корт 2  соату 11  дақиқа идома карда, бо ҳисоби 6:4, 6:2 ба суди Ига Швентек   анҷом ёфт.

Ҳамакнун, дар даври ниҳоӣ  теннисбозӣ лаҳистонӣ   муқобили ракеткаи 43-юми ҷаҳон Каролина Мухова аз Чехия  сабқат мекунад. Вохӯрии теннисбозон рӯзи 10-уми июн  доир мегардад.

Ёдовар мешавем, ки мусобиқаи Rolland Garros 2023  аз 22-юми май  то 11-уми июн  дар шаҳри Парижи Фаронса  баргузор мешавад. Фонди ҷоизавии мусобиқа   49 600 000 евроро ташкил медиҳад.