“Реал” омодааст, ки Анчелоттиро ба истеъфо равон кунад!

Нокомиҳои ахири “Реал Мадрид” барои ҳама ногаҳонии бузурге шуд ва роҳбарияти бошгоҳ барои андешидани чораҳои шадид омодагӣ мегирад.

Тибқи иттилои Cadena COPE, клуб барои барканории сармураббии даста Карло Анчелотти омодагӣ мегирад.

Роҳбарияти “Реал Мадрид” аз бозии ситораи нави даста Килиан Мбаппе дар мавсими имсола бениҳоят норозӣ ҳастанд ва боварӣ доранд, ки ситоди мураббиён дар нокомӣ дар муқобили рақибони беҳтарини ин мавсим гунаҳкоранд.

Маълум аст, ки агар Анчелотти дар мавсим аз кор ронда шавад, ҷои ӯро Сантяго Солари ишғол мекунад, ки ҳоло дар сохтори клуб ба ҳайси директори футбол кор мекунад. Солари қаблан дар мавсими 2018/19 дастаи "Реал Мадрид"-ро сарварӣ мекард, аммо пас аз 28 бозӣ барканор шуд.

Тобистони соли 2021 Анчелотти бори дуюм дар корномаи худ сармураббии “Реал Мадрид”-ро ба ӯҳда гирифт. Таҳти роҳбарии ӯ «Реал» дар таърих се маротиба ғолиби Лигаи Чемпионҳо ва ду маротиба қаҳрамони Испания гардид.