Рекорди мунтахаби баскетболи Фаластин аз ҷониби FIBA ба қайд гирифта шуд

Тими миллии Фаластин оиди баскетбол бо шикаст додани мунтахаби Малдив дар гурӯҳи B-и марҳилаи муқаддамотии марҳилаи интихобии FIBA ​​2029 дар қораи Осиё бо ҳисоби 168-78 якчанд рекордҳоро ба қайд гирифт.

Ин бозӣ дар Қасри варзишии Балуан Шолаки шаҳри Алмаатои Қазоқистон баргузор шуд. Тибқи иттилои хадамоти матбуоти FIBA Фаластин рекорди бузургтарин фарқияти холҳоро дар таърихи мусобиқаи интихобии Ҷоми Осиё ба номаш навишта кард.

Рекорди қаблӣ ба мунтахаби Баҳрайн тааллуқ дошт, ки дар марҳилаи муқаддамотии сабқати интихобии соли 2018 Бангладешро бо ҳисоби 126-52 мағлуб карда буд.

Тими миллии Фаластин инчунин рекорди бештарин холҳоро дар як бозӣ дар ҳама мусобиқаҳои FIBA, аз ҷумла Ҷоми ҷаҳон ва Бозиҳои олимпӣ ба қайд гирифт. Қаблан тими миллии ИМА дар Бозиҳои олимпӣ - 2012 Нигерияро дар бозии марҳилаи гурӯҳӣ бо ҳисоби 156-73 шикаст дода буд.