Синнер ва Ҷокович боз бо ҳам бозӣ мекунанд...

Қаҳрамони 24-каратаи мусобиқаҳои «Тоскулоҳи бузург», ракеткаи рақами якуми ҷаҳон, теннисбози серби - Новак Ҷокович дар даври чаҳоркниҳоии Ҷоми Дэвис-2023 ба тими миллии Сербия муқобили дастаи Британияи Кабир пирӯзии барвақт (2:0) овард.

Дар бозии худ Ҷокович бо ракеткаи 18-уми ҷаҳон - Камерон Норрии бритониёӣ бозӣ кард. Вохӯрии теннисбозон рӯи корт 1 соату 42 дақиқа давом карда, бо ҳисоби 6:4, 6:4 ба фоидаи Ҷокович анҷом ёфт.

Ёдовар мешавем, ки дар нахустин бозии марҳилаи чаҳорякниҳоӣ ракеткаи 55-уми ҷаҳон - Миомир Кечмановичи 27-сола бо ҳисоби 7:6 (7:2), 7:6 (8:6) ракеткаи 60-уми ҷаҳон - Ҷек Дрейпери 21-солаи бритониёиро мағлуб карда буд.

Дастаи тенниси Сербия барои роҳ ёфтан ба финали Ҷоми Дэвис-2023 бо тими тенниси Италия бо раҳбарии ракеткаи чаҳоруми ҷаҳон Янник Синнер рақобат мекунад.