Суперҷоми УЕФА-2028 дар Қазоқистон баргузор мешавад

Бозии Суперҷоми УЕФА барои мавсими 2028/29 дар Қазоқистон баргузор мешавад. Тибқи иттилои хадамоти матбуотии УЕФА, вохӯрӣ дар варзишгоҳи «Астана Арена» -и шаҳри Остона доир хоҳад шуд.

Ин бозӣ тобистони соли 2028 баргузор шуда, дар он қаҳрамони Лигаи чемпионҳои УЕФА дар мавсими 2027/28 ва ғолиби Лигаи Аврупои УЕФА барои мавсими 2027/28 бо ҳам рақобат мекунанд. Соҳиби Суперҷом дар натиҷаи як бозӣ муайян карда мешавад.

Қаҳрамони феълии Суперҷоми УЕФА дастаи «Пари Сен-Жермен» мебошад. Дастаи шаҳри Париж дар бозии имсолаи Суперҷом бар тими «Астон Вилла»-и Англия бо ҳисоби 2:1 ғолиб омада буд.

Ин бозӣ рӯзи 12-уми август, дар варзишгоҳи «Ред Булл Арена»-и шаҳри Залтсбурги Австрия баргузор шуда буд.

Ҳамин тариқ, соли 2028 Остона мизбони яке аз бозиҳои муҳими тақвими футболи Аврупо — Суперҷоми УЕФА хоҳад шуд.