Ҷудокорони тоҷик рӯзи дуюми Tbilisi Grand Slam 2025-ро бе медал ҷамъбаст карданд
Маҳмадшариф Наҷмиддинов аз сабаби вазн накардан мусобиқаро бидуни рақобат тарк намуд .
Масъуди Аҳмадзод дар даври аввал намояндаи Кипр - Андреу Киприаносро шикаст дода, дар даври дуюм аз садди Обидхон Номанови ӯзбек гузашт.
Дар даври ҳаштякниҳоӣ Масъуд аз намояндаи Монтенегро Нуркович Яхя шикаст хӯрда, аз идомаи рақобатҳо бенасиб монд .
Илҳомиддин Ҷабборов дар даври аввал озод буда, дар даври дуюм бо намояндаи Арманистон Пасевин Григорий нерӯсанҷӣ карда, мағлуб шуд .
Бахтиёр Бозоров дар даври аввал озод буда, дар даври дуюм Гаджимурод Умаров аз АМА-ро шикаст дод.
Дар марҳилаи баъдӣ Бозоров аз намояндаи Канада Готиер Драпо Франсуа мувоҷеҳи шикаст шуда, аз идомаи рақобатҳо бенасиб монд .
Дар рӯзи охири мусобиқа кишвари моро Шодмон Ризоев (-90 кг) ва Муҳсин Малаев (-100кг) намояндагӣ мекунанд.