Волейболбозони Полша унвони қаҳрамониро дар Аврупо ҳифз карданд

Мунтахаби мардонаи Полша дар чемпионати Аврупо оид ба волейбол дар соли 2026 унвони қаҳрамониро ба даст овард.

Дар бозии ниҳоӣ волейболбозони Полша мунтахаби Фаронсаро бо ҳисоби 3:1 (31:29, 25:19, 20:25, 25:16) мағлуб карданд. Финал дар толори «Юнипол Форум» дар шаҳри Ассагои Италия баргузор шуд.

Қабл аз ин, дар бозӣ барои медалҳои биринҷӣ мунтахаби Финландия бар тими Словения бо ҳисоби 3:0 (25:23, 25:20, 29:27) пирӯз шуда, зинаи сеюмро соҳиб гардид.

Бо ин натиҷа, мунтахаби Полша тавонист унвони қаҳрамонии худро ҳифз кунад. Полша соли гузашта низ қаҳрамони Аврупо шуда буд.

Ёдовар мешавем, ки Чемпионати Аврупо-2026 оид ба волейбол аз 9 то 26 сентябр дар кишварҳои Италия, Булғористон, Руминия ва Финландия баргузор шуд. Дар мусобиқа 24 даста иштирок карда, онҳо ба чор гурӯҳ тақсим шуда буданд.