Юки Тсунода дар Гран-прии Нидерланд ба ронандагии Формула-1 бармегардад

Собиқ ронандаи дастаи Racing Bulls Юки Тсунода пас аз он ки Лиам Лоусон Исак Ҳаҷарии маҷрӯҳро дар Red Bull иваз мекунад, ба курсии ронандагии Формула-1 дар Гран-прии Нидерланд бармегардад.

"Аз сабаби ин тағйирот ронандаи эҳтиётӣ Юки Тсунода ин ҳафта дар Зандворт дар баробари Арвид Линдблад мошини Racing Bulls-ро меронад. Даста аз Лиам Лоусон ва Юки Тсунода барои омодагии онҳо дар роҳи мутобиқ шудан ба тағйирот изҳори сипос мекунад ва ба Исак Ҳаҷарӣ шифои комил орзу мекунад", - гуфта мешавад дар изҳороти матбуотии тими Racing Bulls.

Қаблан хабарнигори BBC Эндрю Бенсон хабар дода буд, ки Ҳаҷарӣ ҳангоми шуғлварзӣ ба варзиши бокс дасташро шикастааст. Ширкати Red Bull расман тафсилоти ҷароҳати ронандаи фаронсавиро нашр накардааст.