Ҳамаи ҷуфтҳои даври нимниҳоии мусобиқаи WTA-1000 дар Майами муайян шуданд

Ҳамаи иштирокчиёни марҳилаи нимниҳоии мусобиқаи ATP Masters миёни бонувон дар Майамии ИМА муайян шуданд. Бозиҳои ин марҳила рӯзҳои 28-ум ва 29-уми март баргузор мешаванд.

Дар бозии аввал собиқ ракеткаи якуми ҷаҳон теннисбози белорус Виктория Азаренко ва ракеткаи чоруми ҷаҳон намояндаи Қазоқистон - Елена Рибакина бо ҳам қувваозмоӣ мекунанд. Ин бозӣ рӯзи 28-уми март доир мегардад.

Дар бозии дигари марҳилаи нимниҳоӣ ракеткаи 16-уми ҷаҳон, теннисбози рус Екатерина Александрова бо ракеткаи 53-юми ҷаҳон, теннисбози амрикоӣ - Даниэл Коллинз ба масофи ҳам хоҳанд омад.

Мусобиқа дар Майами аз 19-ум то 30-юми март идома мекунад. Маблағи умумии ҷоизаҳо дар сабқати яккасаи занона 8,9 миллион долларро ташкил медиҳад. Қаҳрамони феълии ин мусобиқа ракеткаи 23-юми ҷаҳон Петра Квитова аз Чехия мебошад, ки дар финал бар Елена Рибакинаи қазоқ пирӯз шуда буд.