Дастаи ҷудои Тоҷикистон дар майдони хонагӣ сазовор баромад кард
Мусобиқаи сайри ҷаҳонии ҷудо – Dushanbe Grand Slam 2024 ба охир расид. Ин дуюм мусобиқаи ҷаҳонӣ буд, ки дар Тоҷикистон доир гашт. Мисли мусобиқаи соли гузашта - Гран-прии Душанбе 2023, ин чорабинӣ як ҳангомаи дигаре буд, ки 3500 билети Қасри теннис дар ҳар се рӯзи мусобиқа фурӯхта шуд, мухлисони зиёд дар экранҳои азими берун аз толор рақобатҳоро тамошо мекарданд.
Издиҳом дар муваффақияти ин чорабинӣ нақши ҳалкунанда бозиданд ва муҳитеро фароҳам оварданд, ки ҷудо хуб ривоҷ ёбад. Нерӯи онҳо сирояткунанда буд ва дастгирии онҳо нисбат ба ҳамаи варзишгарон, на танҳо варзишгарони худашон, комилан тароватбахш буд ва эҳтимол руҳияи бисёре аз варзишгаронро баланд гардонд. Масалан, ҳангоми мубориза барои медали биринҷӣ дар вазни -63 кг миёни Амина Белкади (ALG) ва Кристина Кабана Перес (ESP), нидои "А-ми-на" дар толор баланд садо дод, ки намояндаи Алҷазоир дар ниҳоят пирӯз шуд.
Намоиши ҷудо дар Душанбе тамошобоб буд. Тамоми чорабинӣ бо характери ниҳоят мусбат, ҳуҷумкунанда ва ошкоро будани мусобиқаҳо қайд карда шуд ва дар ин кор саҳми варзишгарони мизбон назаррас буд. Дар тӯли се рӯзи мусобиқот 37 варзишгари тоҷик дар 71 зӯрозмоӣширкат карда, дар 33-тои он пирӯзӣ ба даст оварданд. Дарвоқеъ, аз ҳамаи 71 мусобиқае, ки бо иштироки як паҳлавонитоҷик сурат гирифт, танҳо 10-тоаш дар вақти асосӣ ва 8-тоаш бо ҳисоби тиллоӣ ғолиб омада, ошкорбаёнӣ ва ҷиҳатҳои мусбати ҷудоро аз ҷониби ҳамаи иштирокдорон нишон доданд.
Тоҷикистон ба ҳисоби медалҳои худ дар соли гузашта баробар шуда, бо касби 7 медал дар ҷадвали медалҳо мақоми чорумро касб кард. Тиллои ягонаро Муҳаммадсолеҳ Қувватови 22-сола, ки дар ҷои 50-уми радабандии ҷаҳон қарор дорад, ба даст овард. Вай ба ғайр аз як ҳарифаш ҳамаро бо “иппон” мағлуб кард ва ҳар бор бо техникаи дигар. Инчунин бо як иппон дар нимфинал, бо як “о-учи-гар”-и аҷиб дар байни беҳтаринҳои мусобиқа ҷой гирифт.
Обид Ҷебов, Беҳрӯзи Хоҷазода ва Темур Раҳимов медалҳои нуқра ба даст оварданд. Ҷебов ва Хоҷазода “аши-ваза” ва “сутеми-ваза”-ро моҳирона ба кор мебурданд, Раҳимов бошад, дар “не-ваза” чолокӣ нишон медод. Инчунин медалҳои биринҷӣ ба Мулораҷаб Халифаев, Муҳаммадҷон Абдуҷалилзода ва Ҷаҳонгир Маҷидов, ки дар шикаст додани як қатор рақибони зинаҳои баландтар матонати баланд нишон доданд, насиб гашт.
Якчанд ҷудочиён, ки натавонистанд ба суфаи ифтихорбароянд, ба издиҳом шодмонии зиёд бахшиданд. Ҳақдод Гулов ва Абубакр Шеров дар даврҳои муқаддамотӣ ҳар кадом “иппон”-ҳои арзанда нишон доданд. Аввалин даври 2-ро бо “сеои-наг”-и зебое, ки аз тарафи «нодуруст» ворид шуд, партофт, дуюмӣ бошад, рақобати даври 1-и худро бо “уки-гоши” ҳал кард. Мадина Қурбонзодаи 16-сола, ки соли гузашта дар ҳамин ҷо ҷои 7-умро ишғол карда буд, дар бозии даври 1-ум боз як бозии рӯҳбаландона нишон дода, рақибашро ба ҳисоби тиллоӣ бурд.
Ҳамаи ин ба он ишора мекунад, ки миллати мизбон пас аз як рӯйдоди бебаҳо барои таҷлил ва ифтихор аз он чизҳои зиёде дорад. Ояндаи ҷудо дар Тоҷикистон, воқеан хеле дурахшон ба назар мерасад ва Душанбе ба зудӣ ба як истгоҳи дӯстдоштаи мусобиқаи ҷаҳонии IJF барои ҷудочиён ва ҳам мухлисон табдил меёбад.