Эдин Терзич интизориҳои худро дар бозӣ муқобили “ПСЖ” баён кард

Сармураббии дастаи «Боруссия»-и Дортмунд Эдин Терзич интизориҳои худро пеш аз бозии даври нимниҳоии Лигаи Чемпионҳо муқобили «ПСЖ» баён кард.

“Дар марҳилаи гурӯҳӣ мо дар варзишгоҳи худ бо “ПСЖ” бозии тамоман дигарро дидем. Ин як бозии хеле ошкоро буд, ки мо ба ғалаба каме наздик будем. Парижиҳо ҳоло дар бозии худ ҳастанд ва мо бояд назар ба он вақт беҳтар баромад кунем. Мо боварӣ дорем, ки мо нишон медиҳем, ки тавонотар шудаем.

Албатта, мағлуб кардани “ПСЖ” осон нахоҳад буд. Онҳо дар ҳайати Мбеппе барин бозигари тавоно доранд, аммо мақсади мо роҳ ёфтан ба финал аст. Барои ҳамин мо бояд ба ҳама чиз омода шавем. Кори хуб он аст, ки мо аллакай бисёр чизҳоро аз сар гузарондаем. Мо ин роҳро бо гузаштан аз рақибони душвор ба даст овардем. Мо набояд аз ҳад зиёд кӯшиш кунем, аммо мо бояд ба қобилиятҳои худ боварӣ дошта бошем. Мо нақша дорем, ки муқобили парижиҳо зафар ёбем. Ин ду бозии пӯшида хоҳанд буд" гуфт Терзич дар нишасти матбуотӣ.

Бозии аввал миёни дастаҳои “Боруссия” ва “ПСЖ” рӯзи 1 –уми май дар шаҳри Дортмунд баргузор мешавад. Оғози бозӣ соати 23:50 ба вақти Душанбе хоҳад буд.