Тяго Силва тобистони имсол тарки “Челси” мекунад

Дифоъгари бразилии «Челси» Тяго Силва оиди рафтанаш аз бошгоҳи шҳари Лондон бо анҷоми мавсим эълон намуд. Паёмаки футболбози бразилиро сомонаи расмии «ашрофзодаҳо» расонаӣ кардааст.

“«Челси» бароям маънии бузург дорад. Ман инҷо ба нияти яксола омадам, вале ахиран чор сол боқӣ мондам. Ин бошгоҳ на фақат барои ман, балки барои оилаам низ муҳим аст.

Писаронам дар сафи «Челси» бозӣ мекунанд ва аз ин рӯ ман ифтихор дорам, ки як қисмати оилаи «Челси» мебошам. Итминон дорам, ки онҳо инҷо идомаи маснади варзишӣ карда метавонанд, бошгоҳе, ки бозигарони зиёде мехоҳанд қисмати он бошанд.

Фикр дорам, ки дар масири чор сол кулли нерӯямро дар майдон гузоштаам. Вале муттаасифона, кулли чизро оғоз, миёна ва анҷом аст. Бо умеди оне дарҳоро кушода мемонам, ки дар ояндаи наздик дар нақши дигар инҷо баргашта тавонам.

Муҳаббати ман тасвирнашаванда аст. Танҳо бароятон ташаккур гуфта метавонам. Хайр гуфтан ҳатто дар ҳолатҳои оддитарин мушкил аст, вале замоне, ки муҳаббати тарафайн вуҷуд дорад, ин боз ҳам сангинтар аст. Вале нафари як маротиба кабуд — ҳама вақт кабуд аст. Бо онҳое хайрбод мекунӣ, ки мераванд ва дигар барнамегардад. Ман ният дорам, ки боре бармегардам”, — гуфтааст Силва.

Силва ба сафи «Челси» чун футболбози озод соли 2020 аз “ПСЖ” омада, 151 бозӣ доир кард, ғолиби Лигаи чемпионҳо, чемпионати бошгоҳии ҷаҳон ва Суперҷоми УЕФА гардид.