“Барселона” панҷ сол аст, ки ба марҳилаи нимниҳоии Лигаи Чемпионҳо баромада наметавонад
Дастаи «Барселона» дар даври чаҳорякниҳоии Лигаи Чемпионҳо бо “ПСЖ” (1:4, ҳисоби умумӣ 4:6) шикаст хӯрда, ба дастае табдил ёфт, ки панҷ сол паиҳам ба даври ниманиҳоии Лигаи Чемпионҳо роҳ намеёбад.
Бори охир "Барселона" дар мавсими 2018/2019 ба ин марҳилаи Лигаи Чемпионҳо расида буд ва он ҷо аз "Ливерпул" дар маҷмӯъ мағлуб шуда буд (бозии аввал - 3:0, дуюм - 4:0).
Ёдовар мешавем, ки дар дақиқаи 12-ум ҳисобро дар бозӣ бо “ПСЖ” вингери “Барселона” Рафинйа боз кард. Дар дақиқаи 29-ум ҳимоятгари “Барселона” Роналд Араухо муқобили Баркол қоидаи бозиро вайрон кард ва корти сурх гирифт. Дар дақиқаи 40-ум вингери “ПСЖ” Усмон Дембеле ҳисобро баробар кард.
Дар дақиқаи 54-ум нимҳимоятгари парижиҳо Витиня дастаашро ба пеш баровард. Дар дақиқаи 61-ум ҳамлагари «ПСЖ» Килиан Мбаппе бартарии дастаашро мустаҳкам карда, ҷаримаи 11-умро ба самар расонд. Дар дақиқаи 89-ум Мбаппе дублро ба самар расонд.
Дар даври 1/2 финали Лигаи Чемпионҳо дар мавсими 2023/2024 “ПСЖ” бо “Боруссия”-и Дортмунд бозӣ мекунад. Бозии аввал 30-юми апрел барпо мегардад.