“Реал” таъқиби “Барселона”-ро дар Ла Лига идома медиҳад
Дар доираи бозиҳои даври 17-уми чемпионати Испания дастаҳои “Реал Мадрид” ва “Валенсия” ба ҳам омаданд. Вохӯрии дастаҳо дар варзишгоҳи “Сантяго Бернабеу”-и шаҳри Мадрид доир шуда, бо ҳисоби 2 бар 0 ба суди мизбонон хотима ёфт.
Голҳоро дар ин вохӯрӣ Асенсио ва Винисиус Ҷуниор ба самар расониданд.
Дастпарварони Карло Анчелотти бо ин пирӯзӣ бо касби 45 имтиёз дар зинаи 2-юми ҷадвали мусобиқа маскан гирифтанд. “Валенсия” пас аз барканор кардани сармураббӣ Ҷеннаро Гаттузо ҳоло ҳам ба нокомиҳояшон идома медиҳанд. Бошгоҳ ҳоло бо касби 20 имтиёз дар зинаи 14-уми мусобиқа мавқеъ гирифтааст. “Барселона” бо касби 50 имтиёз садрнишини ҷадвали мусобиқот маҳсуб мешавад.
Ла Лига | Даври 17
«Реал» Мадрид – «Валенсия» 2:0
Голҳо: Асенсио, 52, Винисиус Ҷуниор, 54
«Реал»: Куртуа, Начо, Рюдигер, Милитао (Карвахал, 36), Камавинга, Модрич (Валверде, 66), Кроос (Тчуамени, 66), Себалйос, Бензема (Родриго, 60), Асенсио, Винисиус Ҷуниор.
«Валенсия»: Мамардашвили, Фулкйе, Габриэл Паулиста, Диакаби, Гайя, Гилямон, Алмейда (Мориба, 70), Муса (Ҷемерт, 75), Кастилйехо (Маркос Андре, 58), Кавани (Франсиско Перес, 75), Лино (Тони Лато, 70).
Корти зард гирифт: Начо, Бензема, Асенсио – Диакаби
Корти сурх гирифт: Габриэл Паулиста