Суханони Майкл Чендлер оиди рақобат бо Конор Макгрегор

Размкори амрикоии ширкати UFC Майкл Чендлер оиди рақобати дарпешистода муқобили намояндаи Ирландия Конор Макгрегор сухан кард.

«Имкон дорад, ки бозгашти бузургтарин дар таърихи варзиш иттифоқ афтад. Бозгашти бузургтарин ситора. Ана барои чӣ Шумо бояд ҳаққи пахш барои мусобиқаро ба даст оред. Ё варианти дигаре, ки бештар ба ҳақиқат наздик аст, ин ба таври мутлақ ман мебошам, ки ин бачаро ба пуррагӣ нобуд мекунам ва барояш занозаниҳои баробар ба андозаи библиявиро таъмин мекунам. Ин ҳам бори охирине хоҳад буд, ки Шумо Конор Макгрегорро дар октагон мебинед», — иқтибос меорад аз суханони Чендлер MMA Junkie.

Ёдовар мешавем, ки рӯзи 14-уми апрел дар нишасти матбуотии бахшида ба анҷомёбии сабқати UFC 300 дар Парадайси ИМА президенти UFC Дана Уайт иттилоъ дода буд, ки Макгрегор бо Чендлер рӯзи 30 июн дар сабқати UFC 303 ба ҳам меоянд. Мусобиқа дар Лас-Вегаси Невада дар доираи Ҳафтаи байналмилалии рақобатҳо баргузор мегардад.

Макгрегори 35-сола ба октагон аз моҳи июли соли 2021 ҳанӯз набаромадааст. Он вақт ӯ дар рақобат бо Дастин Порйе пояшро шикаст буд. Чендлер бошад дар навбати худ аз моҳи ноябри соли 2022 баъди бохт аз Порйе муҳориба накардааст.