Муҷозоти Роналду расман эълон шуд
Ҳуҷумкунандаи бошгоҳи футболи “Реал Мадрид” Криштиану Роналду барои амали иҷронамудааш нисбати довари марказ дар бозии аввали Суперҷоми Испания бар муқобили “Барселона” аз иштирок дар 5 бозӣ маҳрум карда шуд. Дар ин бора сомонаи расмии Федератсияи шоҳигарии футболи Испания иттилоъ додааст. Криштиану Роналду акнун наметавонад дар 5 бозии оянда тими шоҳонаро кӯмак расанад. Зеро ӯ дар бозии аввали Суперҷоми Испания бар муқобили “Барселона” бар зидди довари бозӣ ғайриқоида амал карда буд. Дидори мазкур 13-уми август бо “Барселона” дар варзишгоҳи «Камп Ноу» сурат гирифт ва бо ҳисоби 3:1 ба суди “гаразмониҳо” ба поён расид. Дар сомонаи расмии Федератсияи шоҳигарии футболи Испания гуфта шудааст, ки футболбози португалӣ ба хотири тела додани довар аз 4 дидор ва барои гирифтани баргаи сурх аз 1 бозӣ маҳрум карда шудааст. Ҳамин тариқ Роналду дар бозии ҷавобии “Суперҷом”-и Испания бар муқобили “Барселона” ва ҳамчунин дар 4 дидори Ла Лига бар тимҳои «Депортиво», «Валенсия», «Леванте» ва «Реал Соседад» дар ҳайати дастаи “Реал” ба майдон баромада наметавонад.