Мусовии Тоҷикистон бо Қирғизистон дар даври дуюми Ҷоми Осиё 2024

Дастаи мунтахаби футзали Тоҷикистон таҳти роҳбарии Пайрав Воҳидов дар бозии дуюми худ дар Ҷоми Осиё-2024 бо тими миллии Қирғизистон мусовӣ кард.

Вохӯрӣ имрӯз, 20-уми апрел дар маҷмааи варзишии «Бангкок Арена» баргузор шуда, бо ҳисоби 2:2 мусовӣ анҷом ёфт. Голҳои мунтахаби Тоҷикистонро Баҳодур Хоҷаев ва Комрон Алиев ба самар расониданд.

Ёдовар мешавем, ки дар даври аввал тими миллии футзали Тоҷикистон бо ҳисоби 2 бар 0 муқобили Кореяи Ҷанубӣ зафар ёфта буд. Қирғизистон бошад, бо ҳисоби 3 бар 2 муқобили Ҷопон пирӯз шуда буд.

Дар даври охири марҳилаи гурӯҳӣ тими футзали Тоҷикистон рӯзи 22-юми апрел бо қаҳрамони амалкунандаи мусобиқа тими миллии Ҷопон бозӣ мекунад. Вохӯрии дастаҳо дар маҷмааи варзишии «Бангкок Арена» доир мешавад. Оғози рақобат ба вақти Душанбе соати 14:00 аст.

Ҷоми Осиё 2024 | Даври 2

Қирғизистон 2:2 Тоҷикистон

Голҳо: Баҳодур Хоҷаев, 9 (0:1). Комрон Алиев, 30 (0:2). Шоҳрух Маҳмадаминов, 36 (1:2). Мақсат Олимов, 40 (2:2).